Околината на Вевчани е заштитено природно подрачје кое се карактеризира со богат растителен и животински свет, кој е под закана поради екстремните климатски промени:
- Долги и студени зими со снежни наноси кои траат повеќе месеци, што е критичен период за животинскиот свет во заштитеното подрачје поради недостаток на храна и засолништа.
- Долги и сушни лета што резултира со чести шумски пожари што има уништувачко влијание и врз растителниот и врз животинскиот свет. Штетите од пожарите се немерливи и имаат огромно штетно влијание врз целокупниот природен екосистем.
Со Х2Н проектот сакаме да ја покренеме свесноста за погоре опишаните проблеми и со инвовлвирање на младите лица од Вевчани и околината и со поддршка од локалните авторитети да создадеме солидна основа за системско решение за поддршка со храна и засочништа за животните во зима и исто така со рана индикација на шумски пожари за време на летниот период да ги намалиме потенцијалните штети од пожарите за екосистемот на заштитеното подрачје.
Овој проект е финансиран преку грант од Амбасадата на САД. Мислењата, наодите и заклучоците или препораките изразени овде се на имплементаторите/авторите и не мора да ги одразуваат мислењата на Владата на САД.
